ازيكم يا رجالة، طبعا كلنا بندور على بدائل للمنتجات الاسرائيلية والمنتجات الامريكية الداعمة للكيان. وعلى هذا السبيل انا جاي النهاردة اقولك بدائل Elementor Pro لان طبعا زي ما احنا عارفين Elementor Pro شركة اسرائيلية ولو بحثت في جوجل عن مكان الفرع الرئيسي لأداة Elementor Pro هتلاقيها تل ابيب سابقا وحاليا رامات جان

وحسب ويكيبيديا دي المعلومات اللي مكتوبة على موقعهم بخصوص الشركة ولو عايز تقرأ تفاصيل اكتر دوس هنا

Elementor Ltd. is an Israeli software development company mostly known for Elementor WordPress website builder. The Elementor website builder lets WordPress users create and edit websites with a responsive drag-and-drop technique.

Elementor Ltd. Wikipedia information

موقفك من المقاطعة المفروض يكون ازاي؟

يبقى السؤال الأكبر، هل مقاطعتي لإستخدام إضافة مجانية دا هيضرهم في حاجة؟

حسب اجتهادي الشخصي وبحثي وفهمي للأمور توصلت إلى انك تستخدم Elementor عادي وهقولك ليه.. مقاطعتك ليهم مش هيفيد بحاجة.. مش عشان انت غير مؤثر لا خالص.. انت مؤثر جدا وصوتك بيفرق جدا بس انا بقول مش هيأثر عشان انت بتستخدم النسخة المجانية اصلا.. فمقاطعتك مش هتضر في اي شيء.. شعارنا هو: استفيد من عدوك بدون ما تفيده.

لذلك استخدمه واستفيد بس اياك تشتري الـ Elementor Pro الأصلي… مقاطعتك الحقيقية المفروض تكون على Elementor Pro .. عشان كدا في المقال دا انا هقولك اقوى بدائل Elementor Pro.

طيب ليه اصلا نتمسك بإضافة Elementor من الاساس والبدائل له كتير؟!

المنتور مش بس Page Builder تقدر تستبدله باي Page Builder تاني.. لا هو فيه مميزات اكتر من انه مجرد Page Builder يعني تقدر تستخدم فيه الcustom fields وتعمل dynamic tags وتصمم صفحات الarchive وال singular لاي custom post type او CPT موجود عندك في الموقع ودا على سبيل السرد وليس الحصر… عشان كدا صعب استبداله.. وانا هنا مش بشجع على انك تشتريه انا بشجع على انك تستفيد من عدوك زي ما هو استفاد من حضارتك وترجم كتبك وبنى فوق العلم اللي انت وصلتله واستفاد منك وطور وسبقك بكتير..

الإضافات البديلة

دول مش بديل لـElementor نفسه.. دول بديل لـElementor Pro.. يعني لازم تنزل Elementor العادي عشان تستفيد منهم … فتخيل انت عندك نفس مميزات Elementor Pro بشكل مجاني فتخيل لو اشتريت النسخة المدفوعة للادوات دي هتاخد حاجة افضل بكتير من برو…

الناس عندي على جروب الفيسبوك مشكورا قدموا بدائل تانية كتير لإضافة Elementor ولكن كما ذكرت سلفا ان الاستغناء عن Elementor اصلا شيء صعب خصوصا انها الإضافة الأكثر انتشارا في عالم WordPress نظرا لتفوقها..

دلوقتي هتكلم عن الاضافات واحدة تلو الاخرى وهسيبلك لينك لكل إضافة عشان تخش تحملها بسهولة.

البديل الأول: إضافة ElementsKit

عايز تشتري Elementor Pro ؟ متشترهوش لان فيه بدايل مجانية لمميزات النسخة المدفوعة Elementor Pro زي ElementsKit واللي قالت نصا اننا ملناش اى علاقة بشركة Elementor الاصلية وانما احنا شركة بتطور سوفتوير مفتوح المصدر واحنا شركة مستقلة.. دوس هنا عشان تزور صفحة الإضافة.

الإضافة واخدة مليون تحميل بعدد تقييمات إجمالي 1500 تقييم ودي شوية صور من جوة الأداة

لتحميل الأداة من مكتبة الووردبريس اضغط هنا

البديل الثاني: إضافة Happy Addons

دي بقى إضافة تانية اسمها Happy Addons ودي إضافة محترمة جدا جدا لان الشركة اللي عملت الإضاقة دي هي هي نفس الشركة اللي عملت إضافة Dokan Multivendors.. فلك أن تتخيل شركة بحجم weDevs اما بتعمل إضافة وتطلع شغل بيكون عامل ازاي والتفاصيل فيه بتكون عامله ازاي.

الإضافة واخدة 400 تقييم بس، صحيح قليل بس الإضافة تستحق التجربة، مع 400 ألف تنزيل، دوس هنا عشان تقرأ تفاصيل أكتر.

لتحميل الأداة من مكتبة الووردبريس اضغط هنا

البديل الثالث: إضافة Premium Addons

الإضافة دي برضو ممتازة بتخليك تعمل Widgets و Mega Menu وفيها عناصر كتير من العناصر اللي موجودة في Elementor Pro وواخدة 700 ألف تحميل مع 1500 تقييم. دوس هنا لقراءة التفاصيل

لتحميل الأداة من مكتبة الووردبريس اضغط هنا

البديل الرابع: إضافة Master Addons

من اجمل الحاجات اللي في الإضافة دي ان فيها CSS اللي مققولة في Elementor Pro ودي خاصية بتخليك تكتب الاكواد على كل عنصر منفرد على حدى وفي كل صفحة على حدى بدون ما تكتبه في Additional CSS ويتطبق في الموقع كله. وطبعا ليها مميزات تانية كتير جدا زي انك بتعمل Header و Footer و Comment Form. لو عايز تعرف كل مميزاتها دوس هنا

اضافة Master Addons لطيفة وبتعمل حاجات كتير ومميزات كتير اوي هظلمها لو اتكلمت عنها وسط زحمة اضافات تانية، عشان كدا انا هكتب عنها في المستقبل في مقال لوحده ولو كتبت عنها هتلاقيني عامل تحديث في المقال دا وسايب لينك المقال هنا

لتحميل الأداة من مكتبة الووردبريس اضغط هنا

 

البديل الخامس: Royal Addon

الإضافة دي كنت متردد احطها ولا لا رغم انها كويسة وبتديك برضو كل حاجة بس كنت خايف من تكرارية المحتوى، ولكن لتغذية المجتمع بالمعلومات المفيدة فانا حبيت أضيف الإضافة دي ضمن القائمة بتاعتنا. لو عايز تزور الموقع الرسمي بتاع الاضافة بتاعتهم دوس هنا 

لتحميل الأداة من مكتبة الووردبريس اضغط هنا

 

البديل السادس: Essential Addon

لو هتكلم عن اضافة Essential Addon وهقول وزنها ايه في السوق فحابب اقولك انها من افضل 3 بدائل في بدائل الـElementor Pro اللي موجودين على الساحة كلهم! وانا شخصيا اما بحث انزل اضافة تعوضني وتديني اكتر واكتر عن الـElementor Pro بيكون اختياري ما بين اضافتين او ثلاثة بحد اقصى واللي بيكون من بين الخيارات دي اضافة Essential Addons.. انا هتكلم عن كل الاضافات في المستقبل بشكل منفصل ولكن في المقال دا انا هسيبك تستكشف كل اضافة بنفسك

لتحميل الأداة من مكتبة الووردبريس اضغط هنا

 

دي وجهه نظري وبالتوفيق للجميع